SOMBRAS

Sombrida nel camín,

onde fortes rebocilos

arremeten escontra tí.

Del viento la soplida,

del cielu´l tronidu

y de las raíces de la terra

las tus coraes dolentes

que arremeten escontra tí.

Hora de tristura sen trixedia,

del cabu d´añu del gozu

y del lonxe guaceu en sin volta.

 

ESPERANZA

Aquela nocencia que naide estimou

morreu ena foguera de la ventura

Y la vida emprunose.

Y sentiste focetazos nel coral.

Y creciu´l negral alredior

Y el futuro fíxose´l tu enemicu.

Entós, diante de tí,

la flama que naide encendiu

tornose nácare.

Tranquilmente, levantaste la mirada

y emperanzada, sonrisaste.

MOCEDÁ

Carnes prietas emprestadas

ena época da xuventud.

Emperexílaste despacín,

sen priesa

y míraste nel'espello.

Elusionada cola vida,

riste cola compaña la toa sonrisa

reflexada escontra tí.

Levántaste, xiras,

y volves a xirar

envolta nel vento,

alendor das carnes prietas

ena época da xuventud

LA VIEYERA

Fisgoniando curiosa tras el cristal

mírote a los güeyos,

fixamente, sen un mizcu llerza.

Veñes de frente a mín

con andares remilgaos,

y anque aínda non me alcanzas

cada día que pasa

acércaste más y más.

EL SOL

Non sei se por moflate de nos

deíxaste ver a poquinos.

Non yes xenerosu,

a lo menos con nos.

Rondas tras las nubes

ronciegu y tresbolau.

Non sei se por roindá,

o ye la tu natureza.

Cando por fin ábreste camín

empicorótaste y tremaste por doquier

facéndonos pensar que para sempre,

¡non sei se por moflate de nos!.

Mas cando quies impresionar de verdá

ábreste paso nesi nuble profundo y gris

y mándasnos los tus raios de lluz

brillante y trasparente.

Xuntas la tu forza toda

la tu forza celestial

y rellumas

naquel resquiciu de cielu,

naquel resquiciu de terra

RONÍA

¡Ay, ay, ay!. ¡Qué pena teño!

Enantes e agora, ¡dame una pena!

¡Ay, ay, ay!. Teño que sospirar.

De la mí ronía,

¿quén me poderá llibrar?

¡Ay, ay, ay!. ¡Qué floxura sento!.

- Pos que sofro y peno

non te sonsañes de mín.

PELA CALEA SUBENDO

Pela calea subendo

vien la neña morena.

Trae las madreñas negras

del barru de la calea.

Vien pensando que mañán

va ve´l mozu na feria.

Con isi xeitu que tiés

como quiés danciadora

esbolinga-te dempós

pel camín de las rosas.

Nun piensas que la calea

ye un pedreru permalu.

Nun piensas que´l barru

chisca ceo, séca-se llueu.

Con isi xeitu que tiés

cómo quiés danciadora

esbolinga-te dempós

pel camín de las rosas.

L´ADOLESCENTE

Cualesquier en sin cuayar.

empastranau, al tempu que errante.

Moceru en sin verba

mizquitín desamoreau col su pensamentu

ximoteru de todo y

desapegau de lo vieyu.

Sabedor de poco

comprensor de menos,

y en sin sabelo

desabeyau denyure

SOLEDÁ

Fumu polas chimeneas

xelu atrapau eno aire los tellaos,

xelu enas sebes,

xelau'l barru ena calea.

Naide enos camíns, naide enas antoxanas.

Soledá, fríu, y por enriba mín

só un ceu gris.

Pola contra, adivíñanse los fogos enas casas,

el calor de'lar,

pero aínda co las portas abertas, yo non podo entrar.